SAMAÍN 2026

Co gallo do Samaín, este ano decoramos o centro cunha proposta diferente. Propuxemos decorar caixas de cartón coa temática propia do Samaín, e deste xeito axudar a concienciar ao alumnado sobre a necesidade da reciclaxe

O alumnado deixou voar a súa imaxinación e nas imaxes podedes ver unha pequena mostra de todo o que aportaron.

Moitas gracias pola vosa colaboración e creatividade!

CONCURSO DECORACIÓN DE PORTAS

 Unha das actividades propostas para este inicio de curso, desde a biblioteca, foi un concurso de decoración de portas en relación co noso PDI, "O Camiño de Santiago".

Gracias a todos/as os que partiron nesta iniciativa!

PLAN ANUAL DE LECTURA

 Xa tedes dispoñible no taboleiro de entrada á biblioteca, o mural co noso Plan Anual de Lectura.

Nel poderedes atopar as lecturas obrigatorias e recomendadas, para este curso académico, tanto para Educación Infantil como para Educación Primaria.

                                

 Animádevos a vir e botarlle un ollo!!

SEMANA DAS FAMILIAS

 Co gallo da conmemoración do Día da Biblioteca Escolar (24 de Outubro), desde a biblioteca do noso centro e no marco das actividades relacionadas coa “Hora de ler”, estamos a celebrar a “Semana das Familias”, co obxectivo de levar a cabo unha actividade relacionada coa animación á lectura e fomentar a participación activa das familias nas actividades do centro.

ACTIVIDADE: Ler ou relatar ao grupo onde se atope escolarizado seu fillo/a un conto ou texto breve.

TEMPORALIZACIÓN: do 19/10/2026 ao 29/10/2026 (segundo se acorde nas titorías)

                                                                

DÍA DA BIBLIOTECA ESCOLAR 2026

Dende 1997 celébrase o Día das Bibliotecas o 24 de outubro, unha conmemoración impulsada pola Asociación de Amigos del Libro Infantil y Juvenil á que se foron sumando, xa dende hai algún tempo, o propio Ministerio de Cultura e todas as administracións autonómicas.

O lema deste ano, “Sen profesionais non hai bibliotecas”, quere poñer no centro ás persoas que fan posible que as bibliotecas sexan moito máis que un simple conxunto de recursos, andeis e espazos.

Para conmemorar esta data, levamos a cabo principalmete dúas actividades:

- Poñer en marcha o programa "Mochilas viaxeiras", repartindo a cada grupo cadansúa mochila.

- Comezar a gravación do 1º Podcast sobre o noso PDI, "O Camiño de Santiago".

Se queres ampliar información, podes picar na imaxe. 

Feliz Día das Bibliotecas a todos/as!!!