Eiquí van as Recomendacións Lectoras de Elmer para pedirlles aos Reis e/ou a Papá Noel, en vídeo e para descargar en papel! E lembrade que hai que desfrutar lendo!
22 de dec. de 2020
21 de dec. de 2020
Día Internacional da Solidariedade
Onte, domingo foi o Día Internacional da Solidariedade Humana. para coñecerr máis pulsa na seguinte ligazón:
https://www.diainternacionalde.com/ficha/dia-internacional-solidaridad-humana
Nós, como docentes, temos unha maior responsabilidade se cabe, e por iso esta semana pasada colaboramos co Banco de Alimentos da Coruña na recollida de produtos non perecedeiros grazas a profe Patricia que mantivo a iniciativa de colaboración!
No caso de que non puideses participar, deixámoste o enlace onde podes colaborar cunha pequena aportación económica.
https://www.fesbal.org.es/dona-ahora
Tamén neste día tan importante queremos lembrar a importancia na doazón de sangue, e por iso se podedes colaborar, non o dubidedes. Para máis información: https://ados.sergas.gal/Paxinas/web.aspx
Aquí tedes un vídeo explicativo do día de hoxe:
Un corto de animación moi interesante:
E por suposto unha selección de libros para traballar a solidaridade:
Non esquezades que unha boa persoa fáise cada día, non só hoxe. Pero si pode ser un bo día para comezar a ser mellor persoa.
18 de dec. de 2020
Os migrantes
No día de hoxe celebramos o Día Internacional das Persoas Migrantes. Estas persoas están no noso día a día e forman parte da nosa sociedade do pasado, da actual e, probablemente, do noso futuro. Por iso, Elmer quere investiguedes e saibades un pouco máis de migración. Clicade no seguinte enlace para isto:
E agora un vídeo para que quede mais claro!
E agora uns cantos libros da nosa biblioteca que podedes atopar sobre este tema!
17 de dec. de 2020
Os elfos chegaron ao CEIP San Francisco Xabier!
Como estamos en época de Nadal, unha parella de elfos viñeron visitar aos nenos e nenas de Educación Infantil do noso cole. Coma a esta cativada encántalles ler e escoitar contos, os elfos fixeron unha paradiña e faláronnos de moitas cousas e contarónnos a historia de Martiño. Queredes ver o noso vídeo? Premede no vídeo e a desfrutar!
16 de dec. de 2020
Os nosos acuarios!
Co noso proxecto sobre A vida submarina, o alumnado de 5º de EI fixeron uns acuarios cheos de peixes, a que son bonitos?
E agora un conto para navegar por estes mares... Nadarín de Leo Lionni
14 de dec. de 2020
Elmer, de compras!
Despois de tantos días sen saír case a rúa, Elmer foi de compras a mercar un montón de novidades para a nosa biblioteca. A ver se vos gustan!
10 de dec. de 2020
Día Internacional dos Dereitos Humanos e Animais
Este xoves celebramos o Día Internacional dos Dereitos Humanos e Animais, na súa Declaración deféndese os dereitos ique ten toda persona como ser humano, independientemente da súa raza, cor, relixión, sexo, idioma, opinión política ou de otra índole, a súa orixe, posición económica, nacemento o calquer outra condición. Este ano o tema neste Día d está relacionado coa pandemia de COVID-19 e céntrase na necesidade de reconstruir para mellorar, asegurándose de que os dereitos humanos sexan a base para os esforzos de recuperación.
Neste día anímavos a ler os seguintes libros que temos na nosa biblioteca:
4 de dec. de 2020
Día da nosa Constitución
O vindeiro día 6 celebraremos o Día da Constitución. Como é domingo e ademáis é festivo, non hai cole pero aínda así Elmer non quería deixar de conmemoralo, posto que na nosa Constitución están os nosos dereitos e deberes como cidadás e cidadáns como o dereito á Educación ou que podemos opinar e ter as nosas propias ideas.
Neste enlace poderedes ver a Constitución con debuxos:
Podedes animarvos a facer o voso debuxo do artigo da Constitución que queirades e deixalo na biblioteca ou subilo a Instagram etiquetando a @elmercubela.
Ademais podedes facer unha versión curta da Constitución en formato libro. Engadimos unha folla coas instruccións do como facer o libro máis un vídeo.
INSTRUCCIÓNS:
Animádevos a facelo e coñecer de maneira lúdica os dereitos fundamentais que aparecen na Constitución e sobre todo lembrade o artigo 27! A ver si adiviñades cal é!
E agora un contiño para ler, escribir e pintar!
3 de dec. de 2020
Día Internacional da Discapacidade
Hoxe, 3 de decembro, celébrase o Día Internacional da Discapacidade e dende a biblioteca queremos falarvos da posibilidade dunha lectura accesible, é dicir, dar a posibilidade de poder ler a todas persoas que queren facelo sen importar se ten unha discapacidade ou non. Por iso, animámovos a coñecer a “lectura doada” que parte dun decálogo que se inicia con:
“ A Lectura Doada permite a igualdade de oportunidades para todos” (se pinchas, ábrese o enlace)
Aproveitamos este día tamén para darlle importancia a que usemos as palabras ou termos de “Diversidade funcional”, en lugar de “discapacidade” ou “minusvalía”, pois estas levan asociado un aspecto un tanto negativo. E para ilustrar un pouco estas palabras "estranas" de DIVERSIDADE FUNCIONAL, propoñémovos este curto, do que temos o libro na nosa biblioteca:
E así e tal como fai Elmer ás veces, esta vez queremos saber se sodes capaces de realizar estes retos ou os que se vos ocorran: untar unha torrada cos ollos pechados, aprender algún signo básico como bos días en lingua de signos, andar pola casa cos ollos pechados e cun bastón,… Non esquezades subila a Instragram e etiquetar @elmercubela ou enviala ao noso correo: bibliotecaeipsanfrancisco@gmail.com
E para rematar, facemos ao noso Elmer un conto accesible:
1 de dec. de 2020
Chegou o Apalpador ao San Francisco Xabier!
Este ano xa temos connosco ao Apalpador! Durante unhas semanas estará na nosa biblioteca compartindo con Elmer lecturas, castañas e algunha que outra anécdota!
Podedes sacarvos algunha foto, se así o desexades! Tamén tedes aquí a carta para imprimir e poderlle pedir algún libro que vos apeteza ler! Pero, lémbrade! as cartas recolleranse do buzón (que estará na entrada da biblioteca) o día 10 de Decembro.
E agora unha canción de Malvela adicada ao Apalpador, con ilustracións do conto do "Apalpador" de Xoán G.
<div>Iconos diseñados por <a href="https://www.flaticon.es/autores/ddara" title="dDara">dDara</a> from <a href="https://www.flaticon.es/" title="Flaticon">www.flaticon.es</a></div>
27 de nov. de 2020
As pitas baixo a choiva
Neste novo curso, xa presencial, quixemos volver homenaxear ao autor das Letras Galegas 2020 facendo un audioconto da súa obra "As pitas baixo a choiva" dende 4º de EI ata 6º de EP. Pincha na imaxe para ver e escoitar o Audioconto:
E agora outros traballiños feitos polo noso alumnado tan artista! Mirade que xeniais son!
25 de nov. de 2020
Día Internacional da Eliminación da Violencia contra a Muller
Hoxe é un día no que, de forma continua, fálannos da eliminación da violencia contra a muller pero Elmer quere dar importancia a que non se trata de que sexa tan só un día. Trátase de que lembremos que a violencia contra a muller está presente nos 365 días do ano, e que nós, como futuro, podemos eliminar este tipo de condutas. Por iso, e para que non quede nun só día propóñemovos colgar das fiestras das vosas casas unha man morada para concienciar sobre a violencia. Subide a vosa foto ao instagram e non esquezades etiquetar a @elmercubela.
E agora unha lectura moi especial:
¿Hay algo más aburrido que ser una princesa rosa? de Raquel Díaz Reguero.
20 de nov. de 2020
Día Internacional dos Dereitos da Infancia
Hoxe, é un día importantísimo para todos as nenas e nenos. É o día onde se lembran e se conmemoran os nosos dereitos!
Para celebrar este día, que tal se lemos unhas entrevistas a un gran coñecedor da infancia e xuventude? Una persoa que dí cousas coma:
"Os nenos non son o futuro, son o presente"
E agora, un pouco de actividade! Elmer escolleu dúas opcións:
1)Unhas actividades preparadas para a súa descarga con crucigramas, sopas de letras, para escribir un anaquiño...
2)Realizar algunha das manualidades que se propoñen, enviar unha foto dalgunha delas ao correo da biblio (bibliotecaceipsanfrancisco@gmail.com) o subila a Instagram, etiquetando a biblioteca:
-Flor dos dereitos
-Estrela para facela hai que colorear e completar os ocos; recortar todas as estrelas e doblalas pola metade. Pegar esas metades, unha enriba da outra ata chegar a derradeira que será a que se una coa primeira estrela.
(Ambalas dúas manualidades, ideas orixinais de http://tizasdecoloresmaestraana.blogspot.com)
18 de nov. de 2020
Quenda aos seres mitolóxicos e de lenda!
Facendo unha pequena revisión de todos aqueles seres fantásticos, mitolóxicos e de lenda que sabemos dos libros, o alumnado de 5º EP do noso cole realizou unha pequena investigación sobre estes seres. Aquí a tedes!
12 de nov. de 2020
Outono
En estes tempos tan raros, chegou o outono ao noso cole, velaquí as mostras outonais! Clica na imaxe!
10 de nov. de 2020
Día Mundial da Ciencia ao servizo da Paz e o Desenvolvemento
Hoxe, ao igual que este mes no que celebramos a Ciencia en galego, a Ciencia cobra especial importancia. Un dos aspectos máis importantes é que as persoas teñan os coñecementos suficientes para poder acercarse o mundo científico e da investigación. Os avances científcos son imprescindibles para que o mundo, no que vivimos, sexa máis sostible.
Deste modo, para celebrar este día a UNESCO organiza actos que promoven un acercamento da ciencia á sociedade, e Elmer non quería deixar escapar esta ocasión. Por iso, Elmer e o Equipo de Biblioteca quérevos propoñer o seguinte:
Ser científicas e científicos! Poñámonos unha bata de laboratorio e...Mans á obra!
Pode ser tanto na clase como na casa. Escolle un dos experimentos dos que che propón o teu profe e ponte a facelo! Envíanos as túas fotos ou o teu vídeo de científica ou científico!
Para iso, podes empregar os seguintes libros colgados na rede:
Enviade as vosas fotos e/ou vídeos ao noso correo: bibliotecaceipsanfrancisco@gmail.com
9 de nov. de 2020
Unha de autores que escriben sobre o mar!
Os quintos do noso cole estiveron a traballar a biografía e decidiron escoller escritores e escritoras que, nos seus libros, falaran sobre o mar, o mundo submarino, os peixes... Aquí tedes unha pequena escolma do seu traballo!
E se queres saber mais destes e outros autores e autoras clica no enlace:
30 de out. de 2020
Unha fin de semana terrorífica!
Esta fin de semana celebramos o Samaín, festa de orixe celta. Os celtas eran uns pobos moi afoutos e guerreiros que facían unha gran festa para dar a benvida ao Novo Ano Celta e conmemorar o final da colleita e do verán.
Os celtas pensaban que, na noite do Samaín, as portas do Alén se abrían e que as almas dos mortos volvían para visitar as súas familias. Por iso, tiñan o costume de facer farois para guiar aos espíritos bos e espantar aos malos, pois estas luces protexían aos vivos.
Así que, xa sabedes rapaces e rapazas, hai que facer un farol para poñer nesa noite! Para iso, Elmer póñevos este vídeo para facer un calacú o cabaza:
Agora que xa temos a protección necesaria para eses malos espíritos... que tal se nos poñemos cuns cantos contiños de medo?
Para os mais pequenos:
Corre, corre cabaciña!
The Skeleton Dance.
E para os non tan cativos:
Fiz, o coleccionista de medos.
A lenda do espantallo.
E agora unha pouquiña de música para mover eses esqueletos!
Paco Nogueiras: No Samaín
Uxía Lambona e a Banda Molona: O Samaín
Se nos sobra tempo, podemos intentar facer algunha manualidade. Que vos parece as que buscou Elmer?
E, despois de tanto traballar, unha receita moi apetecible no Samaín!
DESFRUTADE DESTE SAMAÍN!
27 de out. de 2020
Celebramos o Día das Bibliotecas!
Elmer está de celebración durante esta semana. O sábado foi o Día Internacional das Bibliotecas e Elmer quere compartir con vós esa conmemoración. Por iso, os propoñe ver un vídeo onde se explica o porque dese día.
E, despois de ver isto , estade atentos e atentas as novidades que vos vai ir presentando o noso amigo!
23 de out. de 2020
Día Mundial da protección da Natureza e o Día Internacional contra o cambio climático
O 18 foi a data na que se celebra a protección da natureza e o 24, contra o cambio climático.
As dúas datas teñen como obxectivos os seguintes:
- Adoptar medidas urxentes para combater o cambio climático e os seus efectos.
- Conservar e utilizar de forma sostible os océanos, os mares e os recursos mariños para o desenvolvemento sostible.
- Xestionar sostiblemente os bosques, loitar contra a desertificación, deter e invertir a degradación das terras e deter a perda de biodiversidade.
E agora unhas imaxes:
E agora uns videos sobre a natureza e o cambio climático para entendelos un pouquiño máis:
22 de out. de 2020
16 de out. de 2020
Día Mundial de la Alimentación
Hoxe é un día importante debido ás circunstancias que estamos a vivir. A causa do COVID-19, hai familias que non teñen medios para subsistir e, polo tanto, que non poden alimentarse axeitadamente. Elmer quérevos lembrar a importancia dunha boa alimentación, san e equilibrada. Ademais de ter en conta que FAME CERO é un dos obxectivos de desenvolvemento sostible (ODS) como o da vida submarina, polo que hai que prestarlle atención.
E agora, uns vídeos para pensar un anaco:
E agora unha infografía que pode server para traballar na aula cos vosos profes!
12 de out. de 2020
Día do Descubrimento de América
Hoxe, 12 de Outubro, celébrase o Día en que Cristóbal Colón descubriu América. Por iso, imos investigar un pouquiño acerca desta figura histórica:
11 de out. de 2020
As nenas, de celebración
Este domingo celébrase o Día Internacional das Nenas, por iso Elmer quere realizar este pequeno homenaxe a tódalas nenas do mundo que queren cambiar o mundo!
Así, Elmer tenvos preparadas unhas cantas sorpresiñas.
Uns vídeos para pensar e reflexionar.
5 de out. de 2020
Primeiro luns de Outubro
O primeiro luns de outubro é o Día Mundial del Hábitat, que ten un obxectivo moi destacado: garantizar que o desenvolvemento das ciudades se fixera de forma sostible e que garantizara a todos os cidadáns e cidadanas a ter unha vivenda digna.
Aproximadamente o 25% da poboación urbana do planeta vive en asentamentos informais e segundo a ONU, "un número crecente de habitantes da cidade, especialmente os grupos pobres e vulnerables viven en condicións precarias, sen acceso a servizos básicos (...) ". Se a xente non ten unha vivenda digna, é moi difícil acceder a algúns dos outros dereitos incluídos na Declaración Universal dos Dereitos Humanos como a educación, o acceso á auga, o saneamento e a saúde.
A vivenda é, por tanto, un dereito humano fundamental. Tamén foi e é fundamental na nosa batalla contra a propagación do virus COVID-19, pois sen unha vivenda axeitada, é imposible levar a cabo o distanciamento social e as boas prácticas de hixiene.
Elmer preséntavos este conto "Cuando perdemos el miedo" que narra a experiencia de Lúa, unha nena de 7 anos sobre o desahucio.
4 de out. de 2020
Elmer celebra o Día Internacional dos Animais!
Elmer está hoxe de celebración pois é o Día Internacional dos Animais!
Elmer quere lembrarvos a importancia da conservación das especies animais no noso planeta. Así como, que teñades en conta que os animais, igual que as persoas teñen uns dereitos recoñecidos.
Por iso é importante visibilizar a situación de moitos deles posto que están, ás veces, en posicións moi desfavorecidas. As nenas e nenos, como adultas e adultos no futuro, tedes moito traballo por facer: acabar coa explotación animal, a caza furtiva, co tráfico ilegal...
Desta forma, Elmer quérevos propoñer unha actividade: que fagades uns carteis, tamaño DIN-A4, onde pidades axuda ou colaboración para mellorar as condicións dos animas mariños. Podedes facelo sobre o que queirades, empregando os materiais que consideredes precisos... Así que MANS Á OBRA! Data límite de entrega: 25 de Outubro.
2 de out. de 2020
Elmer é un INSTAGRAMER!
Ola piratas!
Temos unha nova moi importante que dicirvos: ELMER xa ten Instagram! Por iso, se queredes seguilo por este rede social e estar ao tanto das novidades, podes acceder a través do enlace:
https://www.instagram.com/elmernacubela/
Non á violencia!
Elmer quere desfrutar do Día Internacional da Non Violencia, polo nacemento de Mahatma Gandhi, e do Día Internacional do Sorriso. Por iso, non hai nada coma intercambiar un sorriso por unha palabra agresiva, un sorriso por un mal xesto, un sorriso por un golpe...
Así que Elmer proponvos ver este vídeo e arrancarvos un gran sorriso:
E agora, un gran conto sobre un tipo concreto de violencia:
1 de out. de 2020
Outra vez sopa!
Famosa frase de Mafalda para homenaxear Quino, autor e pai desta rapaza arxentina.
Mafalda, personaxe literario, pretende ser unha especie de voz da conciencia dos cidadáns e cidadanas, especialmente crítica co mundo que lle rodea. Mafalda namorou a millóns de lectores, de feito os libros desta rapariga están publicados en varios idiomas, en Braille e tamén en versión dixital. Aquí tedes unhas cantas tiras para que lexades:
Se queres saber mais sobre Mafalda e Quino, clica no seguinte enlace:
https://www.quino.com.ar/
29 de set. de 2020
Comezamos o programa de MOCHILAS VIAXEIRAS!
Ola familias!
Comezamos a nosa andaina este curso cargado de novos retos e emocións.
Por iso, Elmer proponvos empezar co Programa das Mochilas Viaxeiras, coñecido xa por todos nós.
Elmer tenvos preparado unhas mochilas do máis interesante. Animádesvos?
Descarga aquí o documento:
28 de set. de 2020
Hoxe, Día Internacional do Dereito de Acceso á Información
Esta celebración no 2020 baséase no dereito á información en tempos de crisis e nas vantaxes de contar cos garantes precisos ao acceso público á información coa finalidade de salvar vidas, fomentar a confianza e axudar a ter unha normativa sostible ao longo da crise de COVID-19 e mais alá dela.
E para que o noso alumnado poida acceder á información na rede, hai que saber buscar... por iso, Elmer buscou este video que pódevos axudar:
27 de set. de 2020
Día Internacional das Persoas Xordas
Hoxe, domingo, celébrase o Día Internacional das Persoas Xordas onde lembramos que é preciso ter en conta as necesidades e diversidade que teñen as persoas cunha perda auditiva.
Por iso, Elmer propóñevos hoxe este conto moi especial:
"IMOS BUSCAR UN ABETO"
con Malvamos Teatro e AZ Lengua de Signos
25 de set. de 2020
24 de Setembro, Día Marítimo Mundial
Ola piratas!
Onte celebramos o Día Marítimo Mundial do 2020, onde o lema elixido para este ano é "Un transporte marítimo sostible para un planeta sostible".
Este tema bríndanos a oportunidade de fomentar a toma de conciencia acerca dos Obxectivos de Desenvolvemento Sostible (ODS) das Nación Unidas e de amosar a labor que a Organización Marítima Mundial (OMI) e dos seus Estados Membros realizan para acadar estes obxectivos. Un das funcións da OMI é, entre outras, a prevención e contención da contaminación do mar producida polos buques.
Por iso, Elmer quere que reflexionedes sobre o que está ocorrendo sobre a contaminación que producen os buques e sobre os traballos que se fixeron para previr e conter a contaminación.
Mirade!
Estade atentas e atentos, pois unha vez que pensedes sobre isto, Elmer propoñerávos unha actividade!
Subscribirse a:
Publicacións (Atom)