RECOMENDACIÓNS LECTORAS PARA O NADAL 

 ´

MURAL SOBRE A TEMÁTICA DO PROXECTO 

Por aquí vos deixamos o mural situado na entrada da nosa biblioteca cunha pequena selección de contos sobre o deporte por se vos queredes animar a visitalo e coller algún libro para visualizar, ler e traballar con el nas vosas aulas. 

  

 25 de NOVEMBRO, DÍA INTERNACIONAL CONTRA A VIOLENCIA DE XÉNERO

A Asamblea Xeral da ONU declarou a data do 25 de novembro como Día Internacional da Eliminación da Violencia contra a Muller mediante unha resolución aprobada o  17 de decembro   de 1999. 

As Nacións unidas definen a violencia contra a muller como “todo acto de violencia de xénero que resulte, ou poda ter como resultado un dano físico, sexual e psicolóxico para a muller, inclusive as amenazas de tales actos, a coacción ou a privación arbitraria da liberdade, tanto se se produce na vida pública como na privada”

Elexíuse a data do 25 de novembro para conmemorar o violento asasinato das irmáns Mirabal (Patria, Minerva e María Teresa), tres activistas políticas asasinadas o 25 de novembro de 1960 en mans da policía secreta do dictador Rafael Trujillo na República Dominicana.

As hermanas Mirabal son coñecidas como “As mariposas”. Incluso, hai unha representativa como vos deixamos a continuación. 

                                        LAS TRES MARIPOSAS  de Noelia Rodríguez

No centro, a coordinadora de benestar e convivencia, integrante tamén do equipo de biblioteca, elaborou unha presentación con diferentes contos para difundir polas aulas. Algún do material recollido foi este: 

Todo o alumnado do centro colaborou na elaboración dun mural que simulaban as ás dunha muller, onde cada unha das plumas contiña unha mensaxe positiva e necesaria para todas as mulleres do mundo. Este mural estaba situado na entrada do centro. Aquí vos deixamos algunha imaxe do mesmo. 

Para finalizar dito día, todos os membros da nosa comunidade educativa baixamos ao patio e presenciamos un acto emotivo, onde as clases de 6º de Educación Primaria leron tres manifestos e cantamos todos xuntos a canción "Chea de Vida" de Gaudi Galego.

 https://www.youtube.com/watch?v=ISBQSlAa2cY

CARTA DE PRESENTACIÓN 

A comezos do mes de novembro, o alumnado de todo o centro recibiu unha carta na súa aula dun destinatario moi familiar, de Elmer. 

Nas liñas desta carta, a mascota da nosa biblioteca presentáballe o proxecto deste ano a todos os nenos e nenas a través dunha pregunta, "Que deportes lle poderíades recomendar a Elmer?"

Con esta pregunta, pretendemos que o alumnado se inicie na temática dos xogos olímpicos partindo de algo cercano a eles como poden ser os deportes, algo do que sen dúbida saben moito. 

Esperemos que máis adiante Elmer nos continúe envíando outras cartas onde nos solicite axuda para máis asuntos. 

DÍA DAS BIBLIOTECAS ESCOLARES 

24 de outubro, Día das Bibliotecas Escolares

Coma vimos facendo nos últimos anos, aproveitamos esta data tan sinalada para iniciar un novo curso na biblioteca do noso centro. Volvemos a elexir este día para darvos a todos e a todas a benvida, debido a que hoxe se celebra o Día das Bibliotecas Escolares. 

Tal e como se recolle no portal educativo da consellería, o lema deste ano é "TECENDO COMUNIDADES", centrado no papel fundamental que desempeñan as bibliotecas na construción de lazos fortes entre os membros da nosa comunidade, sendo estas un lugar idóneo para unir as persoas a través das súas historias, aprendizaxes e coñecementos.

Dito isto, tamén vos queremos informar que dende o día de hoxe temos as nosas portas completamente abertas, polo que vos esperamos con moita ilusión.

FELIZ DÍA DA BIBLIOTECA ESCOLAR A TODOS E A TODAS ! 

Recomendacións lectoras para o verán

 MATISSE (¡Mira qué artista!)

(Patricia Geis) (Editorial Combel) (2014)

Nesta obra móstrase como Henri Matisse loitou contra as adversidades ao longo de toda a súa vida, enchendo de luz, enerxía e cor as súas obras. Cando rematedes de ler este conto, convertiredesvos en pequenos artistas e poderedes crear o voso propio "gouache découpée".

La gran Ola

(Véronique Massenot) (Editorial Juventud) (2013)

Mediante este álbum ilustrado, os educandos acercaranse dun xeito especial e divertodo a cultura xaponesa e poderán comprender mellor a súa arte.

“Esto es arte: Las obras que tienes que conocer para descifrar el mundo”

(David Armengol) (PRH Grupo Editorial) (2019)

Pasando as páxinas deste conto descubrirás15 obras de arte que cambiaron o mundo e sabrás por qué seguen sendo famosas a día de hoxe.

EMOCIONARTE

(Martina Fuga) (Duomo Ediciones) (2022)

Neste exemplar artistas como Munch, Van Gogh, Frida Kahlo, Klimt e moitos máis nos contan a súa visión do mundo, do amor, da rabia e dos diversos estados de ánimo que pode atravesar unha persoa.

Historia del arte. Relatos para niños

(Michael Bird) (Blume) (2021)

Esta historia da arte comeza nunha cova, en Alemaña fai 40.000 anos e termina en Beijing, no ano 2012. Grazas a ela, atoparedesvos con artistas en todo tipo de lugares como nas montañas, no deserto, en palacios ou incluso nas rúas.

“Cada cuadro con su cuento: el mundo de la pintura”

(Juan Ramón Brotons) (Anaya) (2013)

A través deste conto podedes realizar un percorrido ao longo de diferentes cadros importantes da historia elaborados por Leonardo da Vinci, Van Gogh, Kandinsky, Dalí ou Picasso.

OBRAS DE ARTE VINCULADAS CO NOSO PDI

CADROS REALIZADOS POLO ALUMNADO DO CENTRO 

Mediante estas imaxes mostramos un pouquiño do que saben facer os artistas que temos no noso centro. 

DÍA DO LIBRO

 Polo Día do Libro, que foi o pasado domingo, 23 de abril todos os alumnos e alumnas do noso centro participaron nunha actividade que nomeamos como "O TENDAL LITERARIO". 

Esta, consistía en que cada educando dos diferentes cursos recomendase un conto a través dun debuxo da súa portada e dun breve resumo. Con esto, pretendíamos que cando algún neno non saiba que ler poida consultar as recomendacións lectoras dos seus compañeiros e compañeiras de colexio para elexir unha obra ou outra.

Aquí vos deixamos algunhas imaxes do noso tendal e dalgúns nenos e nenas que se animaron a consultar as obras dos demais. 

Espero que vos guste esta idea orixinal de conmemorar o Día do Libro. 

SEMANA DA PRENSA

 Como cada ano no CEIP San Francisco Xabier elaboramos entre todo o alumnado do centro un xornal con diversas noticias. 

Mediante este código QR podedes visualizalo ! 

Senón, tamén podes facer clic no seguinte enlace:

A VOZ DE ELMER

Día do Libro

 

Co gallo do Día do Libro, esta semana o alumnado de 3º de Primaria compartirá ratios de lectura cos seus titores TEI de 5º. 

Contacontos na biblioteca

O pasado día 6 de marzo os alumnos e alumnas de 4º de Educación Infantil e os de 2º de Educación Primaria tiveron a sorte de acudir a biblioteca do noso centro a desfrutar da maxia de Sabela Gago, unha contacontos estupenda que os fixo desfrutar moitísimo. 

 

Os pensamentos de Rosalía

No noso centro non se nos esqueceu celebrar o día de Rosalía de Castro. Por iso, simulamos o nacemento dunha planta do pensamento na entrada do noso colexio, xa que era a favorita da autora. 

Cada unha das clases de Infantil e de Primaria realizaron e decoraron cinco pétalos que finalmente deron lugar ao producto final que se ve nas imaxes.