Lingua de signos

A lingua de signos é a lingua natural das persoas xordas. É unha lingua de carácter visual, xestual e espacial cuha gramática propia que reúne todas as características e cumpre as mismas funcións que calquera outra lingua.

Non existe unha única lingua de signos a nivel universal; igual que sucede cas linguas orais, cada país ten unha ou varias linguas de signos que van evolucionando nas súas comunidades lingüísticas. En España existe a lingua de signos española e a lingua de signos catalana.

O día 14 de xuño celébrase o Dia Nacional das Linguas de Signos Españolas. Esta conmemoración ten por obxectivo compartir e promover a difusión das linguas de signos e tamén impulsar medidas para normalizar o seu uso máis alá dos ámbitos domésticos, educativos e sociosanitarios. Este día é unha ocasión para recordar o papel fundamental que xogan para a transmisión de ideas, a relación persoal e social e o intercambio de coñecemento.

Para conmemorar esta data a Federación de Asociacións de Persoas Xordas de Galicia (FAXPG) convocu a IV edición do concurso escolar de cancións en lingua de signos española “Cantamos con las manos”. As cancións finalistas son as seguintes:

Día Mundial dos Océanos

Hoxe é o día moi importante para nós debido ao noso proxecto deste curso. Celebramos o Día Mundial dos Océanos con libros! Por iso, desde a biblioteca queremos facervos unha achega de libros para todas as idades con distintas temáticas relacionadas cos océanos e mares para todos os gustos. 

Día Mundial do Medioambiente

Mañá, amigas e amigos de Elmer, Feliz día Mundial do Medio Ambiente! Como cada 5 de xuño, dende hai 47 anos, celebramos este día en todo o Planeta para lembrarlles aos seus habitantes a importancia de coidar da saúde da Terra. 

Ademais, hoxe da comezo unha conta atrás moi importante! Hoxe iniciase o Decenio das Nacións Unidas sobre a Restauracións dos Ecosistemas. O obxectivo é recuperar os ecosistemas en 2030, agora pareceravos moi lonxe, pero dez anos pasan nun suspiro!  É a nosa última oportunidade para corrixir o rumbo: previr a catástrofe climática, deter a contaminación e frear a perda de diversidade. 

É verdade que non podemos volver atrás no tempo, nin desfacer moitas das cousas que xa fixemos mal, pero podemos cambiar moitas cousas: podemos cultivar árbores, facer máis verdes as nosas cidades, repoboar os nosos xardíns con especies silvestres, cambiar a nosa dieta (non empregando por exemplo alimentos que estén envasados en plásticos innecesarios, traer auga ao cole en botellas reciclables...), axudar a limpar praias e ríos… a lista de tarefas que podemos facer é case infinita. Se tes algunha idea, non dubides en compartila con nós, no apartado de comentarios! 

E para que vexades o importante que é, visionade este curto titulado "Equilibrium".

Lembra que as persoas e o Planeta só poderemos estar sans na medida en que o estean os ecosistemas dos que todos dependemos. Xuntos poderemos ser a #XeraciónRestauración? Elmer pensa que si! 

Todo un éxito a Dime que me queres

Foi todo un éxito entre o noso alumnado e tamén do profesorado! Continuamos coa caixa ata final de curso!

Que pasa no museo?

Hoxe é o Día Internacional dos Museos. Este ano o seu lema é "O futuro dos museos: recuperar e reimaxinar" invitando a todas as persoas e entidades a crear, imaxinar e compartir prácticas de creación de valor.

Tendo en conta o noso proxecto deste curso, propoñémovos facer unha visita virtual ao Museo do Mar:

https://museos.xunta.gal/es/visitas-3d-museos

E tamén visitar a páxina do Museo Nacional de Arqueología Subacuática.

 http://www.culturaydeporte.gob.es/mnarqua/home.html

Mistura

Un día como hoxe, celébranse varias conmemoracións. Unha delas é o Día Mundial das Telecomunicacións e da Sociedade da Información coa finalidade de sensibilizar á comunidade acerca do uso de Internet e das TIC, para reducir a brecha dixital.

Tamén, conmemórase o Día Internacional contra discriminación por motivos de identidade de xénero ou de orientación sexual. Desde a escola, debemos promover os valores de respeto, non discriminación e tolerancia cara todas as persoas.

Asemade, o día  17 celébrase o Día Mundial da Reciclaxe co obxectivo de concienciar á sociedade acerca da importancia que ten tratar os refugallos como corresponden, para no contribuír ao cambio climático, e así protexer o medio ambiente e, como non, os nosos mares e océanos.

E agora un conto sobre a reciclaxe:

Todos contra el acoso escolar!

Hoxe 2 de maio celébrase o Día Internacional contra o “Bullying” ou Acoso Escolar.

Esta data foi establecida por asociacións de pais e  diversas organizacións non gubernamentais para concienciar sobre os riscos do acoso escolar e os métodos para evitar a violencia nos centros escolares, e para establecer un protocolo de actuación ante casos deste tipo. A causa  represéntase cun lazo de cor púrpura.

O “bullying” constitúeno calquera forma de maltrato verbal ou físico producido de forma repetida e ao longo dun tempo prolongado.

Acabar co “bullying” é unha tarea que nos compete a todos.

A continuación, deixámosvos un corto que, seguro, vos fará reflexionar sobre este tema.

Día do Libro!!

O 23 de Abril conmemoramos unha data na que poder rendirlle unha homenaxe universal tanto aos libros como aos autores. Trátase dunha celebración internacional co fin de incentivar a lectura, a protección da propiedade  intelectual e o fomento pola industria editorial.

Esta conmemoración xurde durante unha conferencia celebrada na UNESCO, en París, no ano 1995. Foi nese momento cando se tomou a decisión de render esta homenaxe o 23 de Abril, xa que representa un día simbólico para a literatura mundial, porque coincidiu coa data do falecemento de tres grandes escritores universais: Miguel de Cervantes, William Shakespeare e Garcilaso de la Vega.
Pinchando nas imaxes poderás ampliar a información sobre estes autores:

Acudiuse, como en anos anteriores a unha persoa referente da literatura galega actual, neste caso a profesora, tradutora e poeta, Elvira Ribeiro, quen creou un texto orixinal cedido xenerosamente para esta pequena peza de difusión do Día do Libro:

Díptico Día do LIBRO

Neste mes, e todo o ano, non agardemos a que os libros peten na nosa porta, naveguemos por un mar de lecturas e deixémonos arrolar polas súas ondas!

 

FELIZ DÍA DO LIBRO!

Arte, Arte e mais Arte!

Un día coma hoxe, a UNESCO proclamou a celebración do Día Mundial da Arte o 15 de abril para conmemorar así o nacemento dun dos artistas máis prolíficos e polifacéticos da humanidade: Leonardo da Vinci, que naceu en Vinci (Florencia) o 15 de abril de 1452.

“Amo a aquellos capaces de sonreír en mitad de los problemas“

Leonardo da Vinci

A conmemoración do Día Mundial da Arte pretende fomentar a toma de conciencia da actividade creativa en todo o mundo, nutrindo a creatividade, a innovación e a diversidade cultural de todos os pobos do mundo, e desempeñando un rol importante no intercambio de coñecementos e no fomento do interese e o diálogo. Deste xeito, ao fomentar o desenvolvemento da arte tamén se fomentan os medios para poder lograr un mundo libre e pacífico.

Hoxe é un día para fomentar a nosa creatividade artística: pintar, modelar, bailar, cantar… ¡Disfrutemos da arte en cualquera das modalidades que nos ofrece!

Uns cantos enlaces de interese:

https://escueladeartesoria.es/dia-mundial-del-arte/

Dime que me queres

Hoxe, Día internacional do Bico, dende a biblioteca propoñémosvos non deixar de dicir o moito que queres a un compañeir@ ou mestra/e. Por iso deixamos un buzón agarimoso na porta da biblioteca onde podedes deixar as vosas mensaxes. Nos tempos que corren as apertas e o contacto físico non son aconsellables, pero iso non impide que demostremos o noso amor aos demais. Así pois podedes facer uso dese buzón cando vos queirades, pero tedes que cumprir as seguintes normas:

- As mensaxes serán só dunha frase ou unha palabra (mensaxes curtas)

- Serán mensaxes positivos e agarimosos.

- Poden ir dirixidos a calquer/a compañeir@ da mesma aula ou de outra, ou persoal do centro (mestres, conserxe, limpeza, administración, comedor,...)

- Na "portada" da mensaxe terá que levar o nome da persoa á que vai dirixida a mensaxe e o curso ou titor/a da clase de ese neno (non levará o nome da persoa que escribe a mensaxe, será anónima).

- Recomendación facer uso de papel reciclado ou utilizar anacos de papel vello ou sucio que teñades por aí.

NON DEIXEDES DE TER XESTOS AGARIMOSOS

Día Internacional do Autismo

Aínda que neste día estamos de vacacións de Semana Santa, Elmer e o EBE non querían deixar de conmemorar este día para visibilizar a estes nenos e nenas que presentan o Trastorno do Espectro Autista, moitas veces ocultado ou menosprezado. Por iso, queremos presentarvos estes vídeos que poden dar una nova perspectiva e sensibilizar as persoas:

Academia de Especialistas:

O cazo de Lorenzo (tedes os libros na biblio):

Ábrese o telón...

O 27 de Marzo de cada ano celebramos o Día Mundial do Teatro (ITI), creado en 1961 polo Instituto Internacional de Teatro, para conmemorar a importancia deste arte na sociedade.

O feito de que se celebre este día, débese a que desde o ano 1954, o 27 de Marzo iniciaba a tempada no Teatro das Nacións de París, nun momento importante de reconstrución en Europa despois da Segunda Guerra Mundial. Como cada ano, se presenta unha mensaxe pronunciada por un famoso intérprete para compartir as súas reflexións sobre o arte do teatro e o seu futuro. A primeira destas mensaxes foi pronunciada por Jean Cocteau no ano 1962.

Neste ano 2021 o encargado de realizar esta mensa xe é Shahid Mahmood Nadeem, periodista paquistaní, dramaturgo, guionista, director de teatro e televisión, e activista dos dereitos humanos.  Na seguinte ligazón podes acceder  á versión do texto traducida ao castelán:

https://www.world-theatre-day.org/pdfs/WTD_2020_ES_Message_Shahid_NADEEM.pdf

 

Queres ser unha actriz ou actor de teatro? Pincha para facer uns exercicios moi prácticos!

E agora unha obra de teatro para os mais pequenos en versión de debuxos animados de Masha e o Oso!

Nin unha pinga de menos!

Esta efeméride pon de relevo a importancia da auga. O proxecto deste ano, que remarca a importancia da vida submarina e do seu coidado, ten que ter en conta este ben tan preciado como é a auga, especialmente neste caso, a auga mariña. O Día Mundial da Agua é una data oportuna para que todos, de manera individual ou colectiva empecemos, a partir de hoxe, a coidar, valorar e racionar a agua que empregamos nas nosas múltiples actividades diarias. 

É moito o que podemos facer desde a nosa casa, comunidade ou calquera área onde na que nos desenvolvamos. Deste modo, os nosos nenos e nenas chegarán a ser os gardas e protectores da agua, da cal beneficiaránse no futuro, se aprenden a coidala e racionala de forma correcta.

Elmer proponvos o visionado destes contos:

 

Mais recursos para traballar na aula:

https://drive.google.com/file/d/1VHSImw4HwMdOIHG75YlYtk_gD7UZ5_jR/view?usp=sharing

Día Internacional da Eliminación da Discriminación Racial

O día 21 de Marzo celébrase o día da eliminación da discriminación racial. 

 

Propoñémovos ver este corto " A viaxe de Saïd", gañador dun Goya ao mellor curtametraxe de animación. Trata o problema da inmigración e quere educar o valor da solidariedade. Nel amósase a realidade dun neno africano que soña cun futuro mellor, un soño compartido con miles de africáns que desexan unha vida mellor, pero que no transcurso desta busca,  moitos deixan a vida. Tamén, servirá para adentrarse na súa cultura e o que motiva a que estes nenos e nenas e persoas a querer emigrar, como tamén para pensar como son tratados, mergullándose no delicado tema da discriminación.