OS TEMPOS DE LECER

A través desta publicación queremos amosarlle a toda a comunidade educativa a gran novidade deste curso no noso centro. Dende a biblioteca escolar decidiuse volver a abrir a mesma durante o tempo de lecer a todos os nenos e nenas do centro, como xa se facía en anos anteriores. 

Isto non se podería levar a cabo sen os nosos extraordinarios voluntarios dos cursos de 5º e de 6º de Educación Primaria, os cales en grupos de aproximadamente 5 membros acuden a biblioteca a ensinarlles o resto do centro diferentes xogos educativos nas tabletas e nos ordenadores, a empregar as mesas de luz,  a realizar lecturas compartidas ou a deixarse levar pola infinidade de xogos lúdicos que temos na biblioteca. (Carrera de letras, Palabreando, Jungle Speed, Times Up...)

 ABRINDO OS AGASALLOS

Ao volver das vacacións os nenos e nenas do centro atoparon isto baixo a árbore de Nadal. Había un para todos os cursos tanto de infantil coma de primaria. Sinal de que se portaron moi ben durante o ano. 

Nas seguintes imaxes vese como os máis pequenos abren os diferentes agasallos de Elmer nas súas aulas. 

 CARTAS A ELMER 

O noso alumnado do centro, antes de marchar de vacacións de Nadal, escribíronlle a seguinte carta a Elmer, a mascota da biblioteca. Nela, comentábanlle como foi o seu comportamento durante o ano e solicitábanlle contos para a súa aula. 

Aquí vos deixamos algunha imaxe da entrega das cartas ao carón da nosa árbore de Nadal.