Neste día tan especial, comezamos unha nova sección relacionada con esta efeméride. Dende o inicio do curso, propoñéronse levar a cabo diversos experimentos, investigacións, traballos... para poñernos na pel dun científico e dunha científica.. Todos os xoves, publicaranse os distintos vídeos destas probas, pescudas e tarefas. Anímaste?
Ademais, o Equipo de Biblioteca e Elmer propuxeron unha serie de actividades moi interesantes. A ver que sae! Tamén o noso profe Hugo visitou as clases de 5º e 6º de Educación Primaria para contarnos a historia de Hedy Lamarr, unha muller moi especial que foi invisible durante moito tempo porque non se lle recoñecían os seus logros!
E para que iso non ocorra, imos a presentarvos a algunhas mulleres que non foron recoñecidas na súa xusta medida e que deben ocupar o lugar que lles corresponde!
E por se queres ler un pouco sobre mulleres que deixaron a súa pegada e que cambiaron o mundo, aquí tedes algúns dos libros que temos na nosa biblioteca e que te están esperando!
