RECOMENDACIÓNS LIBROS (IMAXEN)

 

RECOMENDACIÓNS DE LIBROS (VIDEO)

 

Aniversario de Manolito Gafotas 

25 anos con Manolito Gafotas

SAMAIN 2024

Días das escritoras 

O primeiro luns antes do 15 de outubro, aniversario da morte de Teresa de  Jesús, celébrase  o día das escritoras.

Con esta celebración preténdese reivindicar o  legado das mulleres que escribiron ao longo da historia e que tantas veces foron esquecidas.

 LETRAS GALEGAS 2024 - LUISA VILLALTA

Aquí vos deixamos algunha imaxe da exposición que creou o equipo de dinamización da Lingua Galega para o corredor da entrada do centro coa colaboración do alumnado dos distintos niveis. 

Aproveitamos a pancarta que levou o centro o Correlinguas 2024, celebrado o venres 10 de maio ao que acudiron alumnos e alumnas de 2º, 3º, 4º e 6º de Educación Primaria para esta ocasión. 

 RETOS SOBRE OS XOGOS OLÍMPICOS

Como moi ben sabe toda a comunidade educativa no noso centro, o tema do proxecto neste curso son as olimpiadas. Para iso, decidimos crear un concurso onde pode participar todo o centro a través dunhas preguntas. 

A dinámica é seguinte, cada aula debe de plantexar tres preguntas sobre os Xogos Olímpicos que sexan do seu interese. Unha vez as teñan, responderanas entre todos despois de investigar colaborativamente. 

Se algún curso se interesa polas preguntas doutra aula, que en realidade é o que buscamos, tamén as poden responder. O importante é que cada día saiban un pouco máis sobre dita temática. 

Estas son as preguntas plantexadas polos nosos alumnos e alumnas. 

Unha vez teñan elaborada a resposta, deberán compartila co equipo da biblioteca cubrindo a seguinte plantilla. 

 DÍA DO LIBRO

Este ano para conmemorar o Día do Libro, despois de darlle moitas voltas decidimos establecer a seguinte iniciativa. Os pais e nais dos nosos alumnos, que sempre están dispostos a colaborar na educación dos mesmos, podíanse animar a acudir o centro e contarnos un conto na aula do seu fillo ou filla. Este exemplar podía ser elexido por eles ou proporcionado pola biblioteca do centro. 

A actividade tivo bastante éxito e foi moi ilusionante ver como os pais e nais entraban nas aulas dos seus fillos a fomentar o hábito da lectura dun xeito máis familiar e directo. 

A iniciativa realizouse ao longo de toda a semana debido o número de participantes. Aquí vos deixamos algunhas imaxes destes encontros tan máxicos. 

 Actividades realizadas no noso centro polo Día do Libro

A primeira xurdiu nun dos grupos de 6º e consistía en crear rosas a través da papiloflexia e que cada persoa que pasase por ese corredor poidese coller unha. 

A segunda imaxe fai referencia a unha tarefa realizada polo alumnado de infantil onde representaban con moito arte e alegría a portada do conto "Leotolda". 

 LECTURAS COMPARTIDAS

Dende o equipo de biblioteca, organizamos unha actividade similar ao día da Paz. Esta consiste en que os nenos e nenas de 5º e 6º  que son voluntarios, foran polas aulas de infantil e de 1º-2º-3º de Educación Primaria a lerlles contos os máis pequenos. 

Por suposto, os contos que leron durante a semana pasada, estaban relacionados coa muller traballadora. 

Algúns deles eran: 

- O libros porcos. 

- Yo voy conmigo.

- Yo soy solo mía

- Libros informativos de mulleres artistas.

- Artur e Clementina

- Pioneras

- Once damas atrevidas

- Maruxa

Aos máis pequenos encántalles ver como o alumnado maior acude a súa aula a compartir con eles as súas habilidades lectoras. Aquí vos deixamos algunhas imaxes. 

 Outras pequenas actividades realizadas polo 8 de Marzo

 8-M, DÍA INTERNACIONAL DA MULLER TRABALLADORA

No centro, para conmemorar esta data tan sinalada decidimos crear unha escaleira entre todo o alumnado do centro. 

Esta escaleira está vinculada co proxecto do centro, os xogos olímpicos debido a que en cada un dos chanzos da mesma aparece unha muller galega que participou recentemente nesta competición. 

Deste xeito, queríamos darlle visibilidade a muller no deporte, un ámbito da sociedade no que por sorte e por merecementos propios cada vez está máis presente. 

Cada aula elixiu unha muller e preparou unha pequena ficha técnica onde recolleron a información máis importante de cada unha delas. 

 
VISITA DA TÍA PAPUCHA

Onte tivemos moita sorte, concretamente todos os nenos e nenas de 2º e de 3º de Educación Primaria.

Sabedes por que? Porque acudiron o centro a escritora (Reyes Pérez) e a ilustradora (Sonia Ramallo) que crearon as aventuras da Tía Papucha. 

Estes educandos ao longo do mes de febreiro leron o conto nas súas aulas e unha vez que o remataron, tiveron o pracer de coñecelas. O encontro foi estupendo, cheo de risas e cunha interacción constante entre os pequenos e as invitadas. Estamos seguros de que van a querer seguir lendo a colección.