MAGOSTO

 

CELEBRANDO O MAGOSTO !

O pasado venres, día 18 de novembro celebramos o Magosto no noso centro. Os diferentes cursos de Educación Infantil e Primaria ao longo da mañá realizaron diversos xogos populares onde as castañas eran o elemento principal dos mesmos. 

Cara o final do día, reunímonos todos os alumnos e alumnas no patio do centro e degustamos castañas todos xuntos. 

Para rematar este día festivo, cantamos unha canción do magosto, que a verdade nos saíu xenial.

Aquí vos deixamos algunhas imaxes de como o alumnado en colaboración coas súas familias, crearon diversas manualidades sobre o outono para decorar os corredores da nosa escola. 

Ademais, aproveitamos esta entrada no bloque para informarvos de que a finais de mes, subiremos algúns contos sobre a temática do Magosto que están a crear os nosos pequenos e pequenas.