O pasado día 6 de marzo os alumnos e alumnas de 4º de Educación Infantil e os de 2º de Educación Primaria tiveron a sorte de acudir a biblioteca do noso centro a desfrutar da maxia de Sabela Gago, unha contacontos estupenda que os fixo desfrutar moitísimo.
No noso centro non se nos esqueceu celebrar o día de Rosalía de Castro. Por iso, simulamos o nacemento dunha planta do pensamento na entrada do noso colexio, xa que era a favorita da autora.
Cada unha das clases de Infantil e de Primaria realizaron e decoraron cinco pétalos que finalmente deron lugar ao producto final que se ve nas imaxes.
Aquí vos deixamos algunhas imaxes para que saibades como celebraron o 8-M o alumnado de Educación Infantil e o de Educación Primaria.
Son uns verdadeiros artistas !!
O 8 de marzo celébrase o Día Internacional da Muller, un día dedicado a loita pola igualdade, a participación e o empoderamento da muller en todos os ámbitos da sociedade.
O movemento do 8M faise cada ano máis forte e poderoso, como cada unha das mulleres que forman parte del e o compoñen. Diversos grupos, asociacións, fundacións, ONGs e mulleres seguen loitando de maneira permanente para acabar cos abusos, asasinatos, casos de violencia de xénero, fenda salarial e desigualdades en todas e cada unha das súas formas.
Nestes enlaces podedes saber máis sobre este día:
- Orixen e significado ( https://youtu.be/whhmA2IuzCE )
- Explicación mediante pictogramas ( https://youtu.be/H5A0tp7ZMXU )
- Mulleres que cambiaron a historia. ( https://youtu.be/bY1MVb0GYJo )
A continuación mostranse unha serie de contos vinculados con esta temática:
- ROSA CARAMELO https://youtu.be/IXKloVaGbhg
- DANIELA PIRATA https://youtu.be/q0MOCrpid8A
- MAMÁ ROBOT https://youtu.be/Jah9I_kQB8k
- UNA FELIZ CATÁSTROFE https://youtu.be/phKnXI01Dz0
- EL LIBRO DE LOS CERDOS https://youtu.be/BGWjcJXlXDk
- CUANDO LAS NIÑAS VUELAN ALTO https://youtu.be/uOzu7dGukWo
- ¿HAY ALGO MÁS ABURRIDO QUE SER UNA PRINCESA ROSA? https://youtu.be/H63MTzRiAsM
- LAS NIÑAS SERÁN LO QUE QUIERAN SER https://youtu.be/qBRK9L62YIk
- ÉRASE UNA VEZ UNA PRINCESA QUE SE SALVÓ SOLA https://youtu.be/qY6XEtAt3GU
A maiores, colocamos na entrada no colexio diversos contos para que os nenos e nenas e os mestres e mestras traballen con eles na aula. Esperamos que sexan do voso agrado !
A pasada semana celebramos por todo o alto o entroido no noso centro. Na entrada, colocamos nunha estantería algúns exemplares bibliográficos sobre esta temática para que os mestres os poidesen coller prestados para traballar con eles nas súas aulas.
A maiores, o meco, cos seus mandadiños foinos recomendando como vir vestidos tanto o martes, o mércores coma o xoves, tal e como se aprecia nesta imaxe.
Xa por último, pero non menos importante, o venres fixemos o noso tradicional pasarúas pola contorna do colexio. Como non podía ser doutro xeito, xa que o noso proxecto deste ano é sobre a arte, os nenos e nenas disfrazaronse ben de pintores, de cadros de artistas relevantes como Piet Mondrian, Joan Miró ou Frida Kahlo, directores de cine e de artistas do mundo da música entre outros.
Durante o desfile, tivemos a sorte de contar coa colaboración dos pais, nais e coñecidos dos nosos alumnos e alumnas, debido a que interactuaban con nós por medio do seguinte cántico:
- Vaia disfraces tan chulos ! ( Cantan os nenos e as nenas).
- As familias veñen ver . ( Cantan as familias).
- Son do cole San Francisco . ( Cantan os nenos e as nenas).
- Do San Francisco Xabier. ( Cantan as familias).
Adxuntamos a canción con pictogramas elaborada por unha profesora membra do DO.
